საქართველოს მთავარი პროკურატურის სამართალწარმოების პროცესში ჩადენილი დანაშაულის გამოძიების დეპარტამენტის გადაწყვეტილებით, სამ დაზარალებულ მოქალაქეს უკანონოდ ჩამორთმეული და ამჟამად სახელმწიფო ბალანსზე არსებული უძრავ-მოძრავ ქონებაზე საკუთრების უფლება აღუდგებათ.
საუბარია სოფელ გონიოში მდებარე მიწის ნაკვეთზე, „ჰიუნდაი ტუქსონის“ მარკის ავტომანქანაზე, ასევე, ნახევარ მილიონ ლარზე და ბათუმში ოროთახიან საცხოვრებელ ბინაზე.
ყველა ეს ქონება მოქალაქეებს 2012 წლამდე, სახელმწიფოსთვის იძულებით ჰქონდათ საჩუქრად გადაცემული. ქონების უკანონოდ ჩამორთმევაში მხილებულ საჯარო მოხელეებთან დაკავშირებით, თანამშრომლობის ხარისხის გათვალისწინებით, პროკურატურა მათ მიმართ დისკრეციული უფლებამოსილების გამოყენების მიზანშეწონილობაზე იმსჯელებს.