რა ჯდება საქართველოს პრეზიდენტის საერთაშორისო ვიზიტები. საინფორმაციო სააგენტოები საფრანგეთსა და ბრაზილიაში საქართველოს დელეგაციის მიერ გაწული ხარჯის მონაცემებს აქვეყნებენ.
პრეზიდენტის ადმინისტრაციის ინფორმაციით, რომელსაც სააგენტო "აი-პრესი" ავრცელებს, ოლიმპიურ თამაშებზე პრეზიდენტის და პირველი ლედის ვიზიტი 130 ათასი ლარი დაჯდა. დელეგაციის კიდევ ათი წევრის ხარჯმა კი 165 ათას ლარზე ოდნავ მეტი შეადგინა.
ვრცელდება ასევე გასული წლის დეკემბერში საფრანგეთის დედაქალაქში შემდგარი ვიზიტის დანახარჯი, რომელმაც 6-9 დეკემბრის 110 ათას ლარზე მეტი შეადგინა.
პრეზიდენტის ადმინისტრაციაში აცხადებენ, რომ სამივლინებო ხარჯს კანონი განსაზღვრავს. საინფორმაციოო სააგენტოების მიერ გავრცელებულ ინფორმაციაზე კი ადმინისტრაციაში დამატებით კომენტარს არ აკეთებენ.