ოზურგეთში „ზარა“-სა და „მანგო“-ს სამკერვალო ფაბრიკის გახსნის შესაძლებლობაზე სასაუბროდ, მსოფლიოში ცნობილი ბრენდების პროდუქციის მწარმოებელი თურქული კომპანია „ი-ენ-ეი ტექსტილის“ წარმომადგნელები იმყოფებიან.
კომპანიის სამეთვალყურეო საბჭოს თავმჯდომარეს, უკვე შეხვდა გურიის გუბერნატორი.
თურქულმა მხარემ კიდევ ერთხელ დაადასტურა გურიაში „ზარა“-სა და „მანგოს“ სამკერვალო ფაბრიკის მშენებლობისადმი ინტერესი, ხოლო საბოლოო გადაწყვეტილება ყველა დეტალის შესწავლის შემდეგ იქნება მიღებული.
შეხვედრის დასრულების შემდეგ, სტუმრებმა ქალაქში არსებული საპრივატიზაციო ობიექტები დაათვალიერეს და პროფესიული კოლეჯი "ჰორიზონტი" მოინახულეს, სადაც პროექტის განხორციელების შემთხვევაში საწარმოში დასასაქმებელი მუშახელის გადამზადება იქნება შესაძლებელი.