მოლდოვამ შესაძლოა 2014 წელს ევროკავშირთან გაფორმებული ასოცირების შეთანხმების ანულირება მოახდინოს და სანაცვლოდ ევრაზიულ კავშირთან ითანაშმრომლოს, – ეს განცხადება ქვეყნის პრეზიდენტმა იგორ დოდონმა მოსკოვში ვიზიტის დროს გააკეთა.
პრეზიდენტის თქმით, უახლოეს რამდენიმე კვირაში ამ საკითხთან დაკავშირებით კონსულტაციებს დაიწყებს.
"იმისთვის, რომ ევრაზიულ კავშირთან თანამშრომლობის კუთხით მომდევნო ნაბიჯი გადავდგათ, საჭირო იქნება რამდენიმე შეთანხმების, მათ შორის 2014 წელს ევროკავშირთან გაფორმებული ასოცირების ხელშეკრულების დოკუმენტის გადახედვა, შესაძლოა ანულირებაც“, აცხადებს მოლოდოვის პრეზიდენტი.
მისი თქმით, ევროკავშირთან გაფორმებულმა შეთანხმებამ მოლდოვას სარგებელი არ მოუტანა. ქვეყანამ დაკარგა რუსული ბაზარი და ასევე შემირდა ექსპორტი ევროკავშირთან.
გარდა ამისა დოდონმა რუსეთის პრეზიდენტს სთხოვა, განიხილოს იმის შესაძლებლობა რომ მოლდოვამ ევრაზიულ კავშირში დამკვირვებლის სტატუსი მიიღოს