სტამბოლის პროკურატურამ თურქეთის შეიარაღებული ძალების 243 სამხედროს დაკავების ორდერი გასცა. მათ ბრალი ედებათ ფეთჰულა გიულენის ორგანიზაციასთან კავშირში.

აღნიშნულის შესახებ სააგენტო „ანადოლუ’’ იუწყება. სამხედროების დაკავების ოპერაცია თურქეთის 54 პროვინციაში ტარდება.

თურქეთის პროკურატურის ვერსიით, მათ გამოიყენეს პროგრამა ,,ბილოკი” დაშიფრული ტექსტური შეტყობინებების გაგზავნის მიზნით.

2016 წლის 16 ივლისს თურქეთში სამხედრო გადატრიალების მცდელობა იყო. მომხდარის შედეგად, 240 ადამიანი დაიღუპა, ხოლო 2000-მდე დაშავდა.