რამდენად შეესაბამება ცემენტის ხარისხი მის შეფუთვაზე დატანილ ინფორმაციას და რა ზეგავლენას ახდენს ცემენტის ხარისხი მშენებლობის უსაფრთხოებაზე - ამ თემებზე მუშაობას საქართველოს ცემენტის ასოციაცია იწყებს.

ორგანიზაცია „ჰაიდელბერგცემენტ კაუკასუსის“ და „კავკაზ-ცემენტის“ შვილობილი კომპანიის - „ჯორჯიან ბილდინგ გრუპის“ მიერ დაფუძნდა. დამფუძნებელთა განცხადებით, აუცილებელია ადგილობრივ ბაზარზე წარმოებული ყველა პროდუქტის შემოწმება, რათა ცემენტის ხარისხი შეფუთვაში განთავსებულ პროდუქტს შეესაბამებოდეს.

შესამოწმებელი ტომრები ღია ბაზარზე კვარტალში ერთხელ ანონიმურად იქნება შეძენილი და გაგზავნილ იქნება ლაბორატორიებში „ბრმა“ ტესტის ჩასატარებლად.