2016 წლის დეკემბერში, წინა თვესთან შედარებით, უძრავი ქონების სარეგისტრაციო ტრანზაქციათა რაოდენობა 2.6%-ით, წინა წლის იმავე თვესთან შედარებით კი, 8.7%-ით გაიზარდა.

რაც შეეხება წლის მონაცემებს, ერთ წელიწადში ტრანზაქციები გაზრდილია 18,3 პროცენტით. საჯარო რეესტრის ეროვნული სააგენტოს ინფორმაციით, ნოემბერთან შედარებით, დეკემბერში პირველად სარეგისტრაციო ტრანზაქციათა რაოდენობაში 9.4-იანი კლება დაფიქსირდა, ხოლო მეორად მონაცემებში ზრდამ 6.5% შეადგინა.

წინა წლის დეკემბერთან შედარებით კი, გაიზარდა უძრავი ქონების როგორც პირველადი, ისე მეორადი ტრანზაქციების რაოდენობა. სარეგისტრაციო მონაცემებით, ათეულში თბილისი ლიდერობს, რომელსაც ბათუმი და ქუთაისი მოსდევს. ათეულში ასევე არიან გარდაბანი, მცხეთა, გორი, რუსთავი, ოზურგეთი, ზუგდიდი და მარნეული.