ფრაქცია „რესპუბლიკელები“ თბილისის საბავშვო ბაღების მართვის სააგენტოს ხელმძღვანელი პირებისა და აღმზრდელთა ხელფასების სხვაობაზე საუბრობს.

ხათუნა სამნიძის განცხადებით, თანამშრომელთა ხელფასები აღმზრდელთა საშუალო ხელფასს 4-ჯერ აღემატება და საშუალოდ 2 080 ლარს შეადგენს.

მისივე განცხადებით, თბილისის მერიის განკარგულებით, ბაგა-ბაღების სააგენტოს საპრემიო ფონდი 113 400 ლარით შემცირდა, მაგრამ დირექტორების წლიური დანამატი არ შეცვლილა.

ფრაქცია “რესპუბლიკელები” მოუწოდებს თბილისის მერიას გადახედოს სახელფასო პოლიტიკას. სააგენტოს თავმჯდომარე თემურ თორდინავას განცხადბით კი, ხელმძღვანელების ანაზღაურება ბოლო წლებში არ გაზრდილა და ყველა ციფრი, რომელიც საკრებულოს ოპოზიციამ დღეს ახსება, მცდარია.

თბილისის მერის განცხადებით კი, სააგენტოში საფინანსო საქმიანობის ანალიტიკური შესწავლა მიმდინარეობს.