ხარვეზები საყოველთაო ჯანდაცვის სისტემაში. სამედიცინო კლინიკების ნაწილი დავით სერგეენკოსგან შენიშვნებს და გაფრთხილებას იღებს.
ე.წ. შავ სიაში 12-მდე საავადმყოფო მოხვდა. თუ მინისტრის მიერ დღეს დასახელებული პრობლემები უახლოეს პერიოდში არ მოგვარდება, რამდენიმე სამედიცინო დაწესებულებასთან გაფორმებული ხელშეკრულება შეწყდება.
ჯანდაცვის მინისტრის ძირითადი კრიტიკა იმ თანხას უკავშირდება, რომელსაც საყოველთაო ჯანდაცვის პროგრამაში ჩართული კლინიკები სამინისტროდან ყოველთვიურად იღებენ.
სერგეენკოს ინფორმაციით, რამდენიმე საავადმყოფოში ფინანსების დიდი ნაწილი, პაციენტების და მედპერსონალის ნაცვლად, მენეჯმენტის ხელფასებზე იხარჯება.
ჯანდაცვის მინისტრი ექიმებზე ანაზღაურების გაცემის დროს ხელმძღვანელობის მხრიდან ხელოვნურად შექმნილ პრობლემებზეც მიუთითებს. კრიტიკის მიზეზი ხდება ზოგიერთ საავადმყოფოში არსებული სანიტარიული მდგომარეობაც.