„გაზპრომთან“ მიღწეულ შეთანხმებასთან დაკავშირებით, ენერგეტიკის მინისტრმა განმარტებები გააკეთა. კახა კალაძის განცხადებით, მთავრობამ „გაზპრომთან“ ურთიერთობებში რაციონალური ნაბიჯები გადადგა და ის უარყოფითი გზავნილები, რაც ბოლო დღეების განმავლობაში გაჟღერდა, მხოლოდ პოლიტიკური ქულების დაწერას ემსახურება.

მინისტრის მტკიცებით, შეთანხმების შესახებ სრული ინფორმაცია გავრცელდა მედიის საშუალებით, შედგა კომუნიკაცია პრეზიდენტის ადმინისტრაციასთან, გაიმართა შეხვედრები ექსპერტებთან და არასამთავრობო ორგანიზაციებთან.

ენერგეტიკის მინისტრი „გაზპრომთან“ მიღწეული შეთანხმების ირგვლივ შექმნილ ვითარებას დეზინფორმაციულ ისტერიას უწოდებს.