ბოლო ერთ წელში საქართველოში 83 ათასზე მეტი ავტომობილი დარეგისტრირდა. 2016 წელს 2015 წელთან შედარებით, ავტომობილების რაოდენობა 8%-ით გაიზარდა. შინაგან საქმეთა სამინისტროს სტატისტიკიდან ირკვევა, რომ სულ 2016 წლის მონაცემებით, საქართველოში აქტიური სტატუსით რეგისტრირებულია მილიონ 136 ათას 961 ავტომანქანა.

რაც შეეხება დედაქალაქს, თბილისში 2016 წელს, რეგისტრირებული ავტომობილების რაოდენობამ 419 ათას 193 შეადგინა, რაც 2015 წლის მაჩვენებელს 7%-ით აღემატება.

შედეგად თბილისში ბოლო ერთ წელში რეგისტრირებული ავტომობილების რაოდენობა 29 ათასზე მეტით გაიზარდა.