ოპოზიცია ენერგეტიკის მინისტრის განმარტებებს არ იღებს.

პარლამენტში უკვე მზად არის „ნაციონალური მოძრაობის“ მიერ მომზადებული რეზოლუციის პროექტი, სადაც ავტორები „გაზპრომთან“ მიღწეული შეთანხმების გამო, მთავრობის პასუხისმგებლობის დაყენებას ითხოვენ.

რუსული ენერგოგიგანტის მხრიდან, გაზის ტრანზიტის გადახდის ფორმის შეცვლას საფრთხისშემცველად მიიჩნევენ „საქართველოს პატრიოტებიც“, რომლებიც კახა კალაძეს პარლამენტში მისვლისკენ და ხელშეკრულების გასაჯაროებისკენ მოუწოდებენ.

ოპონენტების კრიტიკას არ იზიარებს მმართველი გუნდი. კალაძის შემდეგ, დღეს, ეკონომიკის მინისტრი უსვამს ხაზს, რომ ტრანზიტის ნედლეულის ნაცვლად, თანხით ანაზღაურებით ქვეყნის ენერგოდამოუკიდებლობას არანაირი საფრთხე არ ემუქრება.