უკვე ხვალ, მსოფლიოს ყურადღება დავოსიდან ვაშინგტონისკენ გადაინაცვლებს. დონალდ ტრამპი ინაუგურაციისთვის ემზადება, რის შემდეგაც მილიარდერი ბიზნესმენი ამერიკის შეერთებული შტატების პრეზიდენტის სტატუსს ოფიციალურად მიიღებს.

წლის ერთ-ერთი მთავარი ცერემონიის პროგრამა თეთრ სახლში ვიზიტს, ფიცის დადებას, სიტყვით მიმართვას, კაპიტოლიუმში დაგეგმილ მიღებას, აღლუმს და მეჯლისს მოიცავს.

ღონისძიებას 1 500-ზე მეტი მოწვეული სტუმარი დაესწრება, რომლებიც სამახსოვრო საჩუქრებსაც მიიღებენ. თუმცა მათ შორის არ იქნებიან 45 კონგრესმენი და მეგავარსკლავები, რომლებმაც ბოიკოტი გამოაცხადეს.

4 მილიარდამდე ქონების მფლობელმა ტრამპმა 8 ნოემბერს ჰილარი კლინტონი ამომრჩეველთა კოლეგიის 270-ზე მეტი ხმით დაამარცხა.