ეკონომიკური პროექტების გარდა, დავოსში საუბრობენ მსოფლიო მნიშვნელობის პოლიტიკურ თემებზეც. ევროპის მომავალი, ე.წ ბრექსითი და ურთიერთობა ამერიკის შეერთებული შტატების ახალ პრეზიდენტთან განხილვის მთავარი თემებია.
დღის წესრიგშია მსოფლიოს წინაშე მდგარი მთავარი გამოწვევის-ტერორიზმის წინააღმდეგ ბრძოლის გზებზე საუბარიც. ინაუგურაციის გამო, წელს დავოსში პირველად ვერ ჩავიდა თეთრი სახლის ლიდერი. ოფიციალურ ვაშინგტონს ვიცეპრეზიდენტი წარმოადგენს, რომელმაც გამოსვლის დროს რუსეთი ლიბერალური წესრიგის შეცვლის მცდელობაში დაადანაშაულა და კრემლის პოლიტიკის გამო, ევროპის ქვეყნებს სიფრთხილისკენ მოუწოდა. ფორუმის მონაწილეები თანხმდებიან, რომ ნებისმიერი კონფლიქტი მრგვალ მაგიდასთან და არა სამხედრო გზით უნდა მოგვარდეს.
თამთა რუხაძე გაგვაცნობს პოლიტიკურ გზავნილებს, რომლებიც ამჯერად დავოსიდან გაისმა.