საქართველო დავოსის მსოფლიო ეკონომიკურ ფორუმზე.

ქართული დელეგაცის ხელმძღვანელი შვეიცარიაში ორმხრივ შეხვედრებს განაგრძობს.

სესიაზე თანამედროვე აბრეშუმის გზის ფარგლებში განხორციელებული პოლიტიკური და ინფრასტრუქტურული ინვესტიციების მნიშვნელობაზე საუბრის შემდეგ, გიორგი კვირიკაშვილი „ბრითიშ პეტროლიუმის“ აღმასრულებელ დირექტორს შეხვდა.

მხარეებმა „შაჰ-დენიზის“ მეორე ფაზის ფარგლებში, სამხრეთ კავკასიური მილსადენის გაფართოების პროექტის მნიშვნელობაზე ისაუბრეს.

პრემიერი, დღესვე, ქარის ელექტროტურბინების მწარმოებელი უმსხვილესი კომპანიის ხელმძღვანელსაც შეხვდა.

ქართულ დელეგაციაში საქართველოს ეკონომიკის და საგარეო საქმეთა მინისტრები და თანაინვესტირების ფონდის ხელმძღვანელიც შედიან.