გიორგი ჯახუა, რომლის სახლიდან სამართალდამცველებმა კანაფი ამოიღეს, სასულიერო პირი არ არის. ეს შინაგან საქმეთა სამინისტროს განმარტებაა. უწყების ცნობით, ჯახუას საცხოვრებელი სახლიდან კანაფის ამოღების ფაქტზე გამოძიება „სისხლის სამართლის კოდექსის“ 260-ე მუხლის პირველი ნაწილით მიმდინარეობს, რაც ნარკოტიკული საშუალების, მისი ანალოგის ან პრეკურსორის უკანონო დამზადებას, წარმოებას, შეძენას, შენახვას, გადაზიდვას, გადაგზავნას ან გასაღებას გულისხმობს.
მათივე ცნობით, აღნიშნულ პიროვნებას მარიხუანას მოხმარების ფაქტი დაუდგინდა. იარაღის ამოღების ფაქტს უწყება არ ადასტურებს.
თავად გიორგი ჯახუას მტკიცებით, ის მარტვილის რაიონის სოფელ სალხინოს დედათა მონასტრის დიაკონია.
შეგახსენებთ, მან ამის შესახებ , „გირჩის“ ოფისში გამართულ პრესკონფერენციაზე განაცხადა და აღნიშნა, რომ 17 იანვარს, სამართალდამცველებმა ქუთაისში მისი საცხოვრებელი სახლი გაჩხრიკეს და იარაღი და მარიხუანა ამოიღეს, რასაც დაავადების სამკურნალოდ იყენებდა.