დავოსში მსოფლიო ეკონომიკურ ფორუმს 90 ქვეყნიდან ჩასული, ასობით პოლიტიკოსი, ეკონომისტი და საზოგადოებისთვის ცნობილი სახე ესწრება.

2017 წლის დავოსის ეკონომიკური ფორუმის განხილვის მთავარი თემა ერთიანი ევროპის მომავალი და მსოფლიო პოპულაციის ზრდაა.

ეს არის პირველი შემთხვევა, როდესაც ფორუმს არ ესწრება შეერთებული შტატების პრეზიდენტი, რადგან ქვეყანაში ინაუგურაციაა დაგეგმილი. დავოსში ამერიკის ვიცეპრეზიდენტი ჩავიდა, რომელმაც უკვე მიმართა ფორუმის მონაწილეებს. ჯო ბაიდენმა მსოფლიოს წინაშე არსებულ გამოწვევებზე ისაუბრა და ევროპელი ლიდერები რუსეთისგან მომავალ საფრთხეებზე გააფრთხილა.

ბაიდენი დარწმუნებულია, რომ ისევე როგორც შეერთებულ შტატებზე, ასევე სხვა ქვეყნებზეც რუსეთი კიბერთავდასხმებს განახორციელებს და უხეშად ჩაერევა მათ შიდაპოლიტიკაში.

გამომსვლელებს მიმართა ბრიტანეთის პრემიერმინისტრმაც. ტერეზა მეიმ ქვეყნისა და ევროკავშირის მომავალზე ისაუბრა.