www.Mtisambebi.ge - ყაზბეგის მუნიციპალიტეტის გამგეობამ ყაზბეგის ცენტრში კომერციული დანიშნულების ობიექტის მშენებლობა კი შეაჩერა, მაგრამ დამკვეთი ელიზბარ ჯანუყაშვილი მშენებლობის გაგრძელებას ითხოვს. მშენებარე ობიექტი ალექსანდრე ყაზბეგის ძეგლის მიმდებარე ტერიტორიიდან, რომელიც ტურისტულად ხალხმრავალი ადგილია, თითქმის მთლიანად ფარავს გერგეტის სამების და მყინვარწვერის ხედს. mtisambebi.ge ყაზბეგის გამგეობის არქიტექტურის სამსახურის უფროსს ჯემალ სუჯაშვილს ესაუბრა.