"ერთიანი ნაციონალური მოძრაობის" ლიდერი რომან გოცირიძე "გაზპრომთან" გამართული მოლაპარაკებების შინაარსის გასაჯაროებას და ხელშეკრულების გაფორმების შემთხვევაში საქართველოს მთავრობის პასუხისმგებლობის საკითხის დაყენებას ითხოვს. შესაბამისი შინაარსის რეზოლუციას "ნაციონალური მოძრაობის" წევრები პარლამენტს დღეს წარუდგენენ. როგორც მან აღნიშნა, ამ დრომდე უცნობია მოეწერა თუ არა ხელშეკრულებას ხელი "გაზპრომთან". მისივე თქმით, მთავრობის წარმომადგენლების განცხადებებითაც ჩანს, რომ იმ ფულით, რასაც "გაზპრომი" მისცემს საქართველოს ტრანზიტის სანაცვლოდ, ვერ ვიყიდით იმის ნახევარ გაზსაც, რასაც ბოლო 15 წლის განმავლობაში ვიტოვებდით. გოცირიძე თვლის, რომ მთავრობა ტრანსპორტირების ტარიფს იმიტომ მალავს, რომ ეს ტარიფი წამგებიანია.