ოკუპირებულ აფხაზეთში არსებულ ვითარებაზე ევროპის საბჭოსა და ეუთოში იმსჯელეს.
საგარეო საქმეთა მინისტრის მოადგილე დავით ზალკალიანის განცხადებით, ქართულმა მხარემ კულტურული და ისტორიული ძეგლების განადგურების საკითხზე და თავისუფლად გადაადგილებასთან დაკავშირებით შექმნილ პრობლემებზე, რაც ე.წ გამშვები პუნქტების შემცირებას უკავშირდება, ყველა საერთაშორისო ორგანიზაციას მიაწოდა ინფორმაცია და მათგან შესაბამისი რეაგირება მოითხოვა.
მისი თქმით, საგარეო საქმთა მინისტრმა იუნესკოს გენერალურ მდივანსაც მიმართა და ოკუპირებული აფხაზეთის ტერიტორიაზე იუნესკოს მისიის მივლინება მოითხოვა, რომელიც იქ არსებულ მდგომარეობას შეისაწვლის და შესაბამის გადაწყვეტილებას მიიღებს.
უწყების ინფორმაციით, აღნიშნულ ფაქტებს საერთაშორისო საზოგადოების მხრიდან რუსეთის მიმართ მკაცრი შეფასებები მოჰყვა.