ყოფილმა მთავარმა პროკურორმა ოთარ ფარცხალაძემ თანამდებობის დატოვების შემდეგ მილიონ 130 ათასი დოლარის ქონება შეიძინა, - სტატიას კახეთის საინფორმაციო ცენტრი აქვეყნებს.

ფარცხალაძემ თანამდებობა 2014 წელს დატოვა, 2015-2016 წლებში კი, ინტერნეტგამოცემის ცნობით, ყოფილმა პროკურორმა და მისმა მეუღლემ შეიძინეს თბილისში მდებარე 3 ბინა და 4 კომერციული ფართი, ასევე ქალაქ ბათუმში მდებარე ბინა, ბაკურიანში მდებარე 2 ბინა და ტაბახმელაში, სოფელ წავკისში მდებარე 4 მიწის ნაკვეთი. შეძენილი ქონების ნუსხაშია უძრავი ქონების კომპანიის 100 % წილიც.

არასამთავრობო ორგანიზაციების წარმომადგენლები მიიჩნევენ, რომ საკითხის გამოძიება უნდა მოხდეს.

ფარცხალაძეს არასამთავრობოების მიერ გავრცელებულ ინფორმაციასთან დაკავშირებით კომენტარი არ გაუკეთებია.

საპარლამენტი უმრავლესობაში არ გამორიცხავენ, რომ საქმით შესაბამისი უწყებები დაინტერესდნენ. თუმცა აცხადებენ, რომ ყოფილი მთავარი პროკურორი ბიზნესსაქმიანობას ეწევა და მისი ქონების ზრდაში უჩვეულო არაფერია.