პირველი სამუშაო დღე დონალდ ტრამპმა წამყვან ბიზნესმენებთან შეხვედრით დაიწყო.

ამერიკის ახალი პრეზიდენტის სურვილია საშუალო კლასისთვის და კომპანიებისთვის გადასახადების შემცირება 35 -დან დაახლოებით 15 ან 25 პროცენტამდე.

შეხვედრის დროს მან ბიზნესმენებს სთხოვა, არ დატოვონ ამერიკა და არ გაათავისუფლონ სამსახურებიდან დაქირავებული მუშა ხელი.

გარდა ამისა, დონალდ ტრამპი პირობას დებს, რომ წაახალისებს იმ კომპანიებს, რომლებიც ამერიკის შეერთებულ შტატებში აწარმოებენ საკუთარ პროდუქციას.

შეხვედრის დასასრულს მან ლიდერებს უთხრა, რომ მსგავს შეხვედრებს მათთან წელიწადში რამდენჯერმე გამართავს.