ჭიდაობის ფედერაციაში, რუსეთში, უკრაინასა და ირანში ჩატარებული ტურნირების ჩემპიონ-პრიზიორ ქართველ სპორტსმენებს უმასპინძლეს.
ფედერაციის ახალმა პრეზიდენტმა გეგა გეგეშიძემ მოჭიდავეებს შეჯიბრზე წარმატებული გამოსვლა მიულოცა.
მოსკოვში ბერძნულ-რომაული სტილით მოჭიდავეთა ნაკრებმა 1 ოქროს და 1 ვერცხლის მედალი მოიპოვა და გუნდურ ჩათვლაში მეორე ადგილი დაიკავა.
ირანის თასზე ქართველი ფალავნები, ასევე მეორე საპრიზო ადგილზე გავიდნენ. ჯგუფურ ეტაპზე ჩვენმა ნაკრებმა ირანისა და ერაყის გუნდები დაამარცხა. ნახევარფინალში თურქეთის ნაკრებს სძლია. ფინალში კი ირანის პირველ ნაკრებთან დამარცხდა.
4 ოქროს, 4 ვერცხლის და 4 ბრინჯაოს მედალი მოიპოვეს ჭაბუკმა თავისუფალი სტილით მოჭიდავეებმა, ხარკოვში გამართულ ლეონიდ დუნაის ხსოვნისადმი მიძღვნილ საერთაშორისო ტურნირზე.