გაჩნდება თუ არა კონსტიტუციაში ოკუპირებულ რეგიონებზე ახალი ჩანაწერი: საკითხი საკონსტიტუციო კომისიის სამუშაო ჯგუფის დღევანდელ დახურულ შეხვედრაზე დაისვა.

ინიცირებული წინადადების მიხედვით, ქვეყნის უზენაეს კანონში უნდა ჩაიწეროს, რომ აფხაზეთს და სამხრეთ ოსეთს განსაკუთრებული სტატუსი აქვთ.

კონსტიტუციონალისტ ავთანდილ დემეტრაშვილის გარდა, იდეას მხარს უჭერს „ქართული ოცნების“ დეპუტატი ზაქარია ქუცნაშვილიც, რომელსაც ერთ-ერთ მაგალითად ჩინეთის და ჰონგ კონგის მაგალითები მოჰყავს.

კიდევ ერთი ნაბიჯი ქვეყნის ტერიტორიული მთლიანობის აღდგენისკენ-ასეთია ინიციატივის მხარდამჭერთა არგუმენტი, რასაც ოპონენტების ნაწილი არ ეთანხმება.