გიორგი ცერცვაძის საკითხს კამათი მოჰყვა ბიუროს სხდომაზეც. ზაქარია ქუცნაშვილის მიერ გაკეთებული განცხადების გამო უმცირესობის წევრები მმართველ გუნდს უდანაშაულობის პრეზუმფციის დარღვევაში და უმოქმედობაში ადანაშაულებენ. „ევროპული საქართველოს“ ლიდერები „ქართულ ოცნებას“ მოუწოდებენ, რომ წინასწარ პატიმრობაში მყოფ ვიცე-პოლკოვნიკის თავდებში თავადაც ჩაუდგნენ.

სხდომაზე უმცირესობამ კიდევ ერთი ინიციატივა დააყენა. „ევროპული საქართველო“ თავდაცვის და უშიშროების კომიტეტის სხდომაზე ცერცვაძის საკითხთან დაკავშირებით შინაგან საქმეთა, საგარეო საქმეთა და იუსტიციის მინისტრების მისვლას მოითხოვს.