ვანო მერაბიშვილის პოზიციის გარკვევამდე „ნაციონალური მოძრაობა“ პროცედურული საკითხებით არის დაკავებული. პარტიას, დღეს, ახალი ექვსკაციანი ფრაქცია დაურეგისტრირეს. ბიუროს გადაწყვეტილებას წინ ნიკა მელიას წერილობითი მიმართვა უძღოდა, რომლითაც დადასტურდა, რომ ე.წ ბოკერია-უგულავას გუნდის წარმომადგენლებს „ნაციონალური მოძრაობის“ წევრობა ოფიციალურად შეუწყდათ.

რიცხობრივი უპირატესობის გამო ყოფილი მმართველი პარტიის სახელით მოქმედი ფრაქცია და უმცირესობის სტატუსი სწორედ პარტიიდან წასულებმა შეინარჩუნეს. ფრაქციის შექმნის შემდეგ მიხეილ სააკაშვილის თანამოაზრეებს სამუშაო ოთახი აქვთ მოსაძებნი.