ქართველი მოჭიდავეების წარმატება რუსეთში. მოსკოვში დასრულებულ ივან პადუბნის სახელობის დიდი პრიზის გათამაშებაზე, ქართველმა ბერძნულ-რომაული სტილით მოჭიდავეებმა ოქროს და ვერცხლის მედლები მოიპოვეს.

პრესტიჟული ტურნირის გამარჯვებული, 80 კილოგრამ წონით კატეგორიაში, ევროპის მოქმედი ჩემპიონი, ზურაბ დათუნაშვილი გახდა, რომელმაც ფინალში მასპინძელ ადლან აკიევს აჯობა.

აღსანიშნავია, რომ ფინალური ორთაბრძოლის დასრულებამდე 30 წამით ადრე, ქართველი ფალავანი 1-3-ს აგებდა, თუმცა ბოლოს ორქულიანი გდება განახორციელა და დამატებითი მაჩვენებლებით სწორედ დათუნაშვილი გახდა ტურნირის ტრიუმფატორი. ვ

ერცხლის მედალი 85 კილოგრამ წონით კატეგორიაში რობერტ კობლიაშვილმა მოიპოვა. მან გადამწყვეტი შეხვედრა რუსეთის სახელით მოასპარეზე ქართველ, დავით ჩაკვეტაძესთან დათმო, რომელიც რიოს ოლიმპიური თამაშების ჩემპიონია.

პადუბნის სახელობის დიდ პრიზზე 11 ქვეყანა იღებდა მონაწილეობას.