იანვარი 25, 2017
184
საქართველოს საფეხბურთო ნაკრებმა მიმდინარე წელს პირველი მატჩი გამართა. ვლადიმერ ვაისის გუნდი, დუბაიში ექსპერიმენტული შემადგენლობით გადის შეკრებას.
გუშინ, ჯვაროსნები ამხანაგურ შეხვედრაში უზბეკეთის ეროვნულ გუნდს დაუპირისპირდნენ და ფრედ 2-2 დაასრულეს მატჩი.
პირველი ტაიმის მიწურულს ჩვენი მეტოქე, თავური დარტყმით, ელდარ შომურადოვმა დააწინაურა. მეორე ტაიმში ქართველები გააქტიურდნენ და რვა წუთის ინტერვალში ორჯერ აიღეს მეტოქის კარი.
გოლები თეიმურაზ შონიამ და საბა ლობჟანიძემ გაიტანეს. საბოლოო წერტილი შეხვედრას შომურადოვმა დაუსვა, რომელმაც დუბლი გაიფორმა. საქართველოს ნაკრები დუბაიში კიდევ ერთ ამხანაგურ თამაშს ხვალ იორდანიის ეროვნული ნაკრების წინააღმდეგ გამართავს.
მაჩვენე მეტი