სანდრო გირგვლიანის მვლელობისთვის მსჯავრდებულთა შეწყალების საქმეზე, მიხეილ სააკაშვილის უფლებამოსილების გადამეტების ეპიზოდთან დაკავშირებით, სასამართლოზე დღეს შეწყალების კომისიის ყოფილ თავმჯდომარეს მოუსმინეს.
პროცესზე ელენე თევდორაძემ გაიხსენა როგორ ხდებოდა პატიმრების შეწყალება. მისი თქმით, 2008 წლიდან კომისიის სიებს პროკურატურაში გზავნიდნენ, შემდგომ უწყება საკუთარ განახლებულ სიას პრეზიდენტს უგზავნიდა და ამ გზით იწყალებდნენ მსჯავრდებულებს.
მოწმის მტკიცებით, ის ესაუბრა გირგვლიანის საქმეზე მსჯავრდებულებს და როგორც თევდორაძემ სასამართლოს განუცხადა, მსჯავრდებულები ცუდ პირობებში იმყოფებოდნენ, თუმცა მოწმის განმარტებით, მან 4 მსჯავრდებულს ურჩია, რომ შეწყალების კომისიაში განაცხდი არ შეეტანათ, ვინაიდან მსგავს დანაშაულზე რეაგირება არ მოხდებოდა.
თევდორაძის მტკიცებით, მისთვის უცნობია, როგორ მოხდა 2008 წელს გირგვლიანის საქმეზე გასამართლებულების გათავისუფლება, თუმცა, მოწმის განმარტებით, პრეზიდენტს კონსტიტუციით მსგავსი უფლება ჰქონდა.