სტრასბურგში გამართული გუშინდელი კენჭისყრის შედეგების გამო იუსტიციის მინისტრი მწვავე კრიტიკის ადრესატია.
სახალხო დამცველი თეა წულუკიანისგან ბოდიშის მოხდას ითხოვს. სწორედ უჩა ნანუაშვილი დასახელდა „ნაციონალურ მოძრაობასთან“ და ადვოკატთა ასოციაციის ხელმძღვანელთან ერთად იმ პირებს შორის, რომლებიც წულუკიანის მტკიცებით, საქართველოდან გაგზავნილი სიის ჩაგდებას ცდილობდნენ.
საუბარია ევა გოცირიძეზე, გიორგი ბადაშვილსა და ალექსანდრე ბარამიძეზე, რომლებიც ადამიანის უფლებათა ევროპული სასამართლოს მოსამართლეობის კანდიდატებად იყვნენ წარდგენილები. თუმცა ევროსაბჭოს შესაბამისი კომიტეტიდან საკმარისი ხმები ვერცერთმა მათგანმა ვერ მიიღო.
ამ შედეგს ოპოზიცია და მესამე სექტორი ჯერ კიდევ შიდა შესარჩევი კონკურსის დროს გამოვლენილ დარღვევებს უკავშირებს, მთავრობა კი ხელახალი კონკურსისთვის ემზადება.