ე.წ. კაბელების საქმეზე სასამართლოს გადაწყვეტილება დღე გახდება ცნობილი. თბილისის სააპელაციო სასამართლოში განაჩენი 15 საათზე გამოცხადდება.

აღნიშნულ საქმეზე, თავდაცვის სამინისტროს ხუთი ყოფილი მაღალჩინოსანი 2014 წლის 28 ოქტომბერს დააკავეს.

ბრალდებულებს: გიორგი ლობჟანიძეს, არჩილ ალავიძეს, დავით წიფურიას, გიზო ღლონტსა და ნუგზარ კაიშაურს ოთხ მილიონ ლარზე მეტი საბიუჯეტო თანხის გაფლანგვა ედებათ ბრალად.

წარდგენილ ბრალში თავდაცვის სამინისტროს ხუთი ყოფილი მაღალჩინოსანი თბილისის საქალაქო სასამართლომ დამნაშავედ სცნო და 7-7 წლით თავისუფლების აღკვეთა შეუფარდა.

დაცვის მხარემ აღნიშნული გადაწყვეტილება სააპელაციო სასამართლოში გაასაჩივრა.