პრეზიდენტის გამოსვლის თარიღთან ერთად, უცნობია მისი ბოლო ვეტოს დაძლევა-არდაძლევის საკითხიც. სასამართლო რეფორმის მესამე ტალღით ცნობილ კანონპროექტთან დაკავშირებით გიორგი მარგველაშვილის შენიშვნები უკვე პარლამენტშია.
დეპუტატებს მათ გასაცნობად და პოზიციის დასაფიქსირებლად 15 დღე აქვთ. „ქართული ოცნების” წევრების განმარტებით, პარლამენტი შენიშვნებს განიხილავს, რის შემდეგაც არ გამორიცხავს, რომ შესაძლოა, ვეტო გაზიარებული იყოს. შენიშვნების ნაწილს უკვე ეთანხმებიან „საქართველოს პატრიოტები”.
მოსამართლეებისთვის გათვალისწინებული სამწლიანი გამოსაცდელი ვადა, სასამართლოების თავმჯდომარეების დანიშვნის წესი და უზენაესი სასამართლოს მოსამართლეთა რაოდენობა იმ საკითხებს შორისაა, რის გამოც პრეზიდენტმა დეკემბრის ბოლოს დამტკიცებულ ცვლილებათა პაკეტს ვეტო დაადო.