თბილისის საქალაქო სასამართლომ ოლიმპიური კომიტეტის 2016 წლის საპრეზიდენტო არჩევნების შესახებ შუალედური გადაწყვეტილება მიიღო.

კოლეგიის წარმოებაშია ირაკლი მეძმარიაშვილის სარჩელი. დავის საგანს ოლიმპიური კომიტეტის 2016 წლის 23 დეკემბრის არჩევნების შედეგების ბათილად ცნობა წარმოადგენს.

მოსარჩელე მხარის პრეტენზიები დელეგატთა რეგისტრაციის წესს უკავშირდება. 2017 წლის 24 იანვარს, სასამართლომ დააკმაყოფილა წარმოდგენილი შუამდგომლობა.

სასამართლო განმარტავს, რომ მიღებულია შუალედური გადაწყვეტილება. შეგახსენებთ, რომ 2016 წლის 23 დეკემბერს გაიმართა საქართველოს ოლიმპიური კომიტეტის ყრილობა, სადაც 78 ხმით, 57-ის წინააღმდეგ მოქმედმა პრეზიდენტმა ლერი ხაბელოვმა პრეზიდენტობის კანდიდატი ირაკლი მეძმარიაშვილი დაამარცხა.