ე.წ. კაბელების საქმეზე მსჯავრდებული თავდაცვის სამინისტროს ხუთი ყოფილი მაღალჩინოსანი თითქმის ორ თვეში ციხიდან გათავისუფლდება. ასეთია სააპელაციო სასამართლოს კოლეგიის გადაწყვეტილება, რომელიც, დღეს, გამოცხადდა.
სასამართლომ დაკავებულებისთვის წაყენებული ბრალი გადააკვალიფიცირა. დიდი ოდენობით სახელმწიფო სახსრების გაფლანგვის ბრალი, რაზეც მსჯავრდებულებს 7-7 წლიანი სასჯელი ჰქონდათ შეფარდებული, თანამდებობის ბოროტად გამოყენების მუხლით და ერთი წლითა და ექვსთვიანი პატიმრობით შეიცვალა.
დაცვის მხარე სასამართლოს გადაწყვეტილებით უკმაყოფილოა, ადვოკატები გამამართლებელ გადაწყვეტილებას ელოდნენ და ახალა კასაციისთვის ემზადებიან.
გადაწყვეტილება მიუღებელია პროკურატურისთვისაც. ბრალდებისთვის გაუგებარია რატომ და რა გარემოებებზე დაყრდნობით მოხდა ბრალის გადაკვალიფიცირება.