„ენერგო-პრო ჯორჯიას“ მენეჯმენტმა, 2016 წლის მუშაობის ანგარიში და 2017 წელს დაგეგმილი სამუშაოების შესახებ ინფორმაცია ქუთაისში, მედიის წარმომადგენლებს გააცნო. შეხვედრაზე ისაუბრეს როგორც კომპანიის სტრატეგიულ მიმართულებებზე, ასევე 2016 წელს ქსელში განხორცილებულ საინვესტიციო პროექტებზე. დასასრულს უახლოვდება აბონენტთა ინდივიდუალური გამრიცხველიანების პროექტი, ასევე კომპანიის კუთვნილი ჰიდროელექტროსადგურების მიერ დაფიქსირდა გენერირებული ელექტროენერგიის რეკორდული მაჩვენებელი და წარმატებით დასრულდა კომპანიის რეორგანიზაციის პროცესი. „ენერგო-პრო ჯორჯიამ“ 2016 წელს 50,4 მლნ ლარის ინვესტიცია განახორციელა, ხოლო 2017 წელს, 65 მილიონამდე ლარის ინვესტიციას გეგმავს.