26 იანვარი, 2017
• ამ ორიოდე კვირის წინ საქართველომ და რუსეთის სახელმწიფო ენერგეტიკულმა გიგანტმა, „გაზპრომმა“ გააფორმეს ხელშეკრულება, რომლის მიხედვითაც სომხეთისთვის განკუთვნილი გაზის ტრანზიტის საფასურს საქართველო მიიღებს არა ნედლეულის, ანუ ბუნებრივი აირის, არამედ ფულადი ანაზღაურების სახით.
• ახალი შეთანხმებით განსაზღვრული თანხა ბევრად ნაკლებია, ვიდრე იმ გაზის ღირებულება, რომელსაც საქართველო უწინდელი ხელშეკრულებებით იღებდა.
• მაშ, რატომ დათმო საქართველომ „გაზპრომთან“ მოლაპარაკების საწყის ეტაპზე წამოყენებული ორივე მთავარი პირობა?
• რა ულტიმატუმით გამოვიდა რუსეთი მოლაპარაკებებზე? რა პასუხი აქვს საქართველოს მთავრობას რუსეთის ენერგეტიკის სფეროს წარმომადგენელთა პოზიციაზე, რომ შეთანხმების პირობების ცვლილება „გაზპრომისთვის“ პოლიტიკურად არის ხელსაყრელი, რათა მსოფლიოს საქართველოს ბაზარზე დაბრუნება აჩვენოს?
• მაინც როგორია იმ ფულადი ზარალის ოდენობა, რომელიც საქართველოს მიადგება?
• რატომ არის მთელი ხელშეკრულება გასაიდუმლოებული და სად ინახება დოკუმენტი?
• რატომ ელაპარაკება ენერგეტიკის მინისტრი მეტი გამჭვირვალობის მოწოდებით გამოსულ მოქალაქეებს შეურაცხმყოფელი ტერმინოლოგიით?
ენერგეტიკის მინისტრის მოადგილე მარიამ ვალიშვილი ამ და სხვა საკითხებზე ესაუბრება გადაცემა #ინტერVIEW-ს წამყვანს სალომე ასათიანს.