წლების წინ სამ საქმეზე გამოტანილი განაჩენი თავიდან გადაიხედება. მათ შორისაა ედუარდ შევარდნაძის ყოფილი ეკონომიკური მრჩევლის თემურ ბასილიას საქმე. მას ქრთამის აღებაში ადანაშაულბდნენ.

ხელახლა შეისწავლიან შალვა შალიკაშვილის, ალეკო ხარჩილავას და ლაშა წურწუმიას საქმეებსაც. მთავარი პროკურატურა გადაწყვეტილების მიზეზად თავიდან ჩატარებული გამოძიების დროს დაკითხული მოწმეების ჩვენებებს და ათეულობით საგამოძიებო და საპროცესო მოქმედების შედეგად მოპოვებულ მტკიცებულებებს ასახელებს.

საგამოძიებო უწყების ინფორმაციით, ხელახალი გამოძიების შედეგად, მსჯავრდებულთა მიერ დანაშაულის ჩადენის ფაქტი გამოირიცხა. პროკურატურა არ გამორიცხავს, რომ საქმეებში შესაძლოა საგამოძიებო უწყების ყოფილ ხელმძღვანელთა ბრალეულობაც გამოიკვეთოს.