სახელმწიფოსა და კერძო სექტორის პარტნიორობით, „წინანდლის ფესტივალი“ ფუძნდება.

მაღალი ხარისხის კლასიკური მუსიკის მასშტაბური ფესტივალის დაარსების შესახებ, „სილქ როუდ ჯგუფსა“ და ტურიზმის ადმინისტრაციას შორის, დღეს მემორანდუმი გაფორმდა.

კომპანიის წარმომადგენლებს საქართველოს პრემიერმინისტრი შეხვდა. შეხვედრისას აღინიშნა, რომ ფესტივალის ჩასატარებლად წინანდალში 900 სტუმარზე გათვლილი მუსიკალური დარბაზის, 60-ნომრიანი სასტუმროს, ღია ამფითეატრის, ბიბლიოთეკის, საკონფერენციო დარბაზებისა და მულტიფუნქციური სივრცეების აშენება იგეგმება.

პროექტი წინანდალში, მუსიკალურ ფესტივალთან ერთად, საერთაშორისო მუსიკალური აკადემიის დაარსებასაც გულისხმობს, რომლის ფარგლებში ,ახალგაზრდული ორკესტრი ჩამოყალიბდება.