ჩეხეთის ქალაქ ოსტრავაში სტარტი აიღო ევროპის ჩემპიონატმა ფიგურალ ციგურაობაში. საქართველოს ნაკრებიდან, ვაჟთა ერთეულთა თანრიგში მორის ყვითელაშვილი, ხოლო სპორტული ცეკვების კატეგორიაში, ტატიანა კოზმოვა-ალექსეი შუმსკის წყვილი ასპარეზობს.

გუშინ, კოზმოვა-შუმსკის დუეტმა მოკლე პროგრამით ისრიალა და მსაჯებისგან 43 მთელი, 80 მეასედი ქულა დაიმსახურა, რაც საკმარისი არ აღმოჩნდა ფინალურ ოცეულში მოსახვედრად,

ქართულმა წყვილმა, საბოლოო ჯამში, 30 მონაწილეს შორის 27-ე ადგილი დაიკავა.

დღეს, ასპარეზობაშიმორის ყვითელაშვილი ჩაერთო, რომელმაც მოკლე პროგრამაში კარგი შედეგი აჩვენა და ფინალში გადავიდა. აქ ფავორიტები არიან: ესპანელი ევროპის ჩემპიონი, ხავიერ ფერნანდესი და ასევე რუსი მოციგურავეები, მიხაელ კოლია და მაქსიმ კოვტუნი.