ჩინური გიგანტის "ალიბაბას" კუთვნილი ციფრული ფინანსური მომსახურების კომპანია "ანტ ფაინენშალი", ფულადი გადარიცხვების ამერიკულ გიგანტ "მანიგრამს" 800 მილიონ დოლარად ყიდულობს.

"მანიგრამი", რომელიც მსოფლიოში რიგით მეორე უმსხვილესი კომპანიაა ფულადი გადარიცხვების ბაზარზე, თითქმის 200-ს ქვეყანაში 350 ათასი ფილიალისგან შემდგარ ქსელს ფლობს.

რაც შეეხება ჩინურ "ანტ ფაინენშალს" მას 630 მილიონი მომხმარებელი ჰყავს. "მანიგრამის" შესყიდვას, შეერთებული შტატების მარეგულირებელი ორგანოს თანხმობა სჭირდება, თუმცა, კომპანიის დირექტორთა საბჭომ უკვე დადებითად შეაფასა გარიგება, რომლის გასაჯაროების შემდეგაც კომპანიის აქციების ფასი 9 პროცენტით გაიზარდა.