თავდაცვის სფეროში, სკანდინავიისა და ბალტიის ქვეყნების თანამშრომლობის ფორმატში, საქართველოს მონაწილეობის საკითხი ლევან იზორიასა და ესტონეთის თავდაცვის მინისტრის შეხვედრის ერთ-ერთი მთავარი თემა იყო. საუბარი ტალინში შედგა.
საქართველოს თავდაცვის მინისტრმა კოლეგას მხარდაჭერისთვის მადლობა გადაუხადა და მის უწყებაში გატარებული რეფორმების შესახებ დეტალური ინფორმაცია მიაწოდა.
მინისტრებმა თავდაცვის სფეროში არსებული და სამომავლო თანამშრომლობის გეგმები განიხილეს. საუბარი შეეხო ნატო-საქართველოს არსებითი პაკეტით გათვალისწინებული პროექტების იმპლემენტაციის პროცესს და ამ კონტექსტში ესტონელი ექსპერტის ჩართულობას.
საქართველოს დელეგაციამ ემარის ბაზაც მოინახულა, საიდანაც ბალტიის ქვეყნების საჰაერო სივრცის კონტროლი ხორციელდება.