დიდი ბრიტანეთის პრემიერმინისტრი ტერეზა მეი თურქეთს ეწვია და მის კოლეგას, ბინალი ილდირიმს შეხვდა.
ორი ქვეყნის წარმომადგენელთა შეხვედრის შემდეგ, დიდმა ბრიტანეთმა და თურქეთმა თავდაცვის სფეროში თანამშრომლობის შესახებ ხელშეკრულებას მოაწერეს ხელი.
პროექტი, რომელიც 100 მილიონი ფუნტ სტერლინგის ღირებულების არის, თურქეთისთვის სამხედრო რეაქტიული ავიაგამანადგურებლების შემუშავებაში დახმარებას ითვალისწინებს.
მხარეები ასევე გეგმავენ სავაჭრო ურთიერთობების გაღრმავებას და სავაჭრო წლიური ბრუნვის 15-დან 20 მილიარდ დოლარამდე ზრდას.
შეხვედრაზე ლიდერები ასევე შეთანხმდნენ ერთობლივი სამუშაო ჯგუფის შექმნაზე, რომელიც ბრიტანეთის ევროკავშირიდან გამოსვლის შემდეგ ორ ქვეყანას შორის სავაჭრო ურთიერთობების განვითარებაზე იზრუნებს.