იანვარი 29, 2017
101
ნიუ-იორკის ფედერალურმა საოლქო სასამართლომ დონალდ ტრამპის განკარგულება მიგრანტების გაძევების თაობაზე დროებით შეაჩერა.
სარჩელი სასამართლოში მოქალაქეთა თავისუფლების დაცვის ამერიკულმა კავშირმა შეიტანა, რომელიც შეერთებული შტატების სატრანზიტო ზონაში მყოფი 200-მდე პირის ინტერესებს იცავს.
სასამართლო დადგენილება ხელისუფლებას მიგრანტების დეპორტაციას უზღუდავს.
პრეზიდენტის მიერ პარასკევს გაცემული განკარგულებით, ქვეყანაში სირიელი ლტოლვილების მიღება შეწყდა და 120 დღით შეჩერდა პროგრამა სხვა ქვეყნებიდან დევნილი მოქალაქეებისთვის. აღნიშნულის გამო, იმიგრაციის საკითხებში ამერიკის ეროვნულ სამართლებრივ ცენტრს სასამართლოში პრეზიდენტი დონალდ ტრამპისა და შიდა უსაფრთხოების უწყების წინააღდმეგ სარჩელი შეაქვს.
მაჩვენე მეტი