ქართველი სამხედროები ავღანეთიდან დაბრუნდნენ. მეორე ქვეითი ბრიგადის ასეულს აეროპორტში თავდაცვის მინისტრი დახვდა. ქართველი ჯარისკაცები „მტკიცე მხარდაჭერის“ მისიის ფარგლებში ავღანეთის ჩრდილოეთით, სწრაფი რეაგირების ამოცანებს ასრულებდნენ.

ქვედანაყოფმა რამდენიმე მნიშვნელოვანი ოპერაციაც განახორციელა. მათ შორის, 2016 წლის 10 ნოემბერს მაზარ-ი-შარიფში გერმანიის საკონსულოზე თავდასხმისას, ქართულმა ასეულმა ეფექტურად შეძლო უსაფრთხოების უზრუნველყოფა.

სამხედროებმა ავღანეთში წარმატებით ჩატარებული ოპერაციებისთვის გერმანული სარდლობისგან მაღალი შეფასებები მიიღეს.

II ქვეითი ბრიგადის გაძლიერებული ასეული ავღანეთში როტაციის წესით I ქვეითი ბრიგადის ასეულმა ჩაანაცვლა.