სტრასბურგის სასამართლოში საქართველოდან წარდგენილი მოსამართლეობის კანდიდატების ჩავარდნა შესარჩევი პროცედურების გაუმჭირვალობას უკავშირდება. ასეთია სახალხო დამცველის პოზიცია. უჩა ნანუაშვილი იუსტიციის უმაღლესი საბჭოს წევრისა და სტრასბურგის მოსამართლეობის ყოფილი კანდიდატის ევა გოცირიძის განცხადებას პასუხობს. ომბუდსმენი განმარტავს, რომ ევროსაბჭოს მიმართ მისი მხრიდან არანაირი ოფიციალური განცხადება არ გაკეთებულა. უჩა ნანუაშვილი მიიჩნევს, რომ მოსამართლეობის კანდიდატების შერჩევა გამჭირვალედ უნდა ჩატარდეს და განისაზღვროს მათი არჩევის კრიტერიუმები.
საქართველოდან სტრასბურგში მოსამართლეობის კანდიდატად წარდგენილი ევა გოცირიძე აცხადებს, რომ ევროსაბჭოში მას მხარი არასამთავრობო ორგანიზაციებისა და ადვოკატთა ასოციაციის თავმჯდომარის მიერ, მის წინააღმდეგ გაკეთებული განცხადებების გამო არ დაუჭირეს.