როჯერ ფედერერი ავსტრალიის ღია პირველობის გამარჯვებულია. თანამედროვე ჩოგბურთის ლეგენდამ, გრანდ სლემის მე-18-ე ტურნირი, 35 წლის ასაკში მოიგო. შვეიცარიელმა, გუშინ გამართულ ფინალში, ესპანელი რაფაელ ნადალი ხუთსეტიან თრილერში დაამარცხა და „აუსტრალიან ოფენის“ გამარჯვებული კაირერაში მეხუთედ გახდა.

როდ ლეივერ არენაზე გამართული მატჩი ნამდვილი საჩოგბურთო კლასიკა გამოდგა. მეხუთე გადამწყვეტ სეტში, ნადალი ბრეიკით, ანგარიშით 3-1-ს იგებდა და წარმატებასთან საკმაოდ ახლოს იყო, თუმცა როჯერმა ზედიზედ ხუთი გეიმი მოიგო და ტურნირის ტრიუმფატორი გახდა. მთავარ პრიზთან ერთად, ფედერერმა 3 მილიონ 700 ათასი ავსტრალიური დოლარი მიიღო.

შეგახსენებთ, რომ ქალთა ტურნირის გამარჯვებული, ერთი დღით ადრე, სერენა უილიამსი გახდა, რომელმაც ფინალში, საკუთარი და, ვენუს უილიამსი დაამარცხა. #სპორტი