ჩეხეთის ქალაქ ოსტრავაში დასრულდა ევროპის ჩემპიონატი ფიგურულ სრიალში. ერთეულთა თანრიგში, საკმაოდ დიდ წარმატებას მიაღწია მორის ყვითელაშვილმა. 21 წლის მოციგურავემ, საერთო ჯამში მეექვსე ადგილი დაიკავა, რაც უდავოდ კარგი შედეგია.

აღსანიშნავია, რომ ყვითელაშვილმა ტექნიკური ქულით მეორე შედეგი დააფიქსირა და ზოგადად ტურნირზე, თავისი პირადი რეკორდიც დაამყარა.

ტურნირის ჩემპიონი კი, ზედიზედ მეხუთედ ესპანელი ხავიერ ფერნანდესი გახდა. 29 მარტიდან 2 აპრილის ჩათვლით, ჰელსინკში, მსოფლიოს ჩემპიონატი ჩატარდება, რომელზეც, 2018 წლის ზამთრის ოლიმპიური თამაშების ლიცენზიებიც გათამაშდება. მსოფლიო კონკურენციაში, მორის ყვითელაშვილიც ჩაებმება.