იანვარი 30, 2017
64
ზუგდიდში აფხაზეთიდან დევნილმა 5-მა ადამიანმა პროტესტის უკიდურეს ფორმას მიმართა. მათ პირი ამოიკერეს. ისინი მე-5 დღეა საავადმყოფოს ტერიტორიაზე კარავში შიმშილობენ. მათ პროტესტის ამ ფორმას დევნილთა სამინისტროს უყურადღებობის გამო მიმართეს. ამის შესახებ "მოამბის" ადგილობრივ ჟურნალისტთან, თავად აქციის მონაწილეები საუბრობენ.
აქციის მონაწილეები დახმარებისათვის საქართველოს კათოლიკოს-პატრიარქსა და პრემიერ-მინისტრს მიმართავენ.
ერთ-ერთი მოშიმშილის განცხადებით, თუ მათი მოთხოვნები არ დაკმაყოფილდება, ბენზინის გადაისხავს და თავს დაიწვავს.
მათი მოთხოვნები უცვლელია: საცხოვრებელი პირობების შესწავლა, ქულების გადაანგარიშება და საცხოვრებელი ფართებით დაკმაყოფილება.
პროტესტის მონაწილეები, მინისტრის გადადგომასაც ითხოვენ.
მაჩვენე მეტი