ლევან მიქელაძის სახელობის ფონდმა პროექტის სახელწოდებით „ასწავლე მაცნეს - ევროკავშირი, ადამიანის უფლებები და ოჯახური ღირებულებები” შემაჯამებელი შეხვედრა გამართა. პროექტის მიზანია საქართველო-ევროკავშირის ურთიერთობაზე ეთნიკური უმცირესობებით დასახლებული რეგიონების სასულიერო ლიდერების ცნობიერების ამაღლება. მის სამიზნე ჯგუფებს ქვემო ქართლისა და სამცხე-ჯავახეთის მუსლიმი სასულიერო ლიდერები და კათოლიკე მღვდლები წარმოადგენენ. 11-თვიანი პროექტის ფარგლებში ექვსი სასწავლო შეხვედრა თბილისსა და მარნეულში, ხოლო სამი ახალციხეში ჩატარდა.