შინაგან საქმეთა სამინისტროში საკადრო გადაწყვეტილებებს კვლავ ვანო მერაბიშვილის გუნდი იღებს - ამის შესახებ საპატრულო პოლიციის აეროპორტის სამმართველოს უფროსის ყოფილი მოადგილე აცხადებს.
ვახტანგ დადუნაძე თანამდებობიდან 5 იანვარს გაათავისუფლეს და როგორც თავად ირწმუნება, მხოლოდ იმიტომ, რომ „ქართული ოცნების" მხარდამჭერია. პოლიციელის თქმით, იგივე მოტივით შინაგან საქმეთა სამინისტროდან 2012 წელსაც გაათავისუფლეს, ხელისუფლების შეცვლის შემდეგ კი სისტემაში კვლავ აღადგინეს.
დადუნაძე მიზანმიმართულ დევნაში პოლიციის მაღალჩინოსნებს გოგა რაზმაძეს, დავით მიქიაშვილსა და ზურა რუხაძეს ადანაშაულებს. პოლიციის მაიორი დახმარებისთვის პრემიერმინისტრს, პარლამენტის თავმჯდომარეს და არასამთავრობო სექტორს მიმართავს და ამბობს, რომ მის ოჯახს საფრთხე ემუქრება.
შინაგან საქმეთა სამინისტროში ბრალდებებს უარყოფენ და აცხადებენ, რომ უწყებაში რეორგანიზაცია მიმდინარეობს.